«A.N. Syzǵanov atyndaǵy Ulttyq ǵylymi hirýrgiia ortalyǵy» AQ Basqarma tóraǵasy Baimahanov Bolatbek Bimendeuly QR Prezidenti Qasym-Jomart Toqaevtyń Ulttyq qoǵamdyq senim keńesiniń úshinshi keńesinde sóilegen sózine qatysty óz pikirin bildirdi, dep habarlaidy "Ult aqparat".
"El Prezidenti Qasym-Jomart Toqaev Ulttyq qoǵamdyq senim keńesiniń úshinshi otyrysynda dárigerlerdiń eńbekaqysyn arttyrýdy, sondai-aq dárigerdiń qoǵamdaǵy mártebesin kóterý týraly aityp ótti. Memleket basshysynyń bul sheshimi – meditsina salasyndaǵy qyzmetkerlerdiń memleket tarapynan árdaiym qoldaýǵa ie ekenin taǵy bir márte dáleldedi.
Prezidenttiń osy tapsyrmasy keleshekke senimizdi nyǵaityp, kásibi mamandyǵymyzdy damytýǵa degen umtylysymyzdy kúsheite tústi. Osy sheshimderdiń nátijesinde meditsina qyzmetkeriniń imidji kóterilip, meditsina salasynda qyzmet etkisi keletin jastardyń qatary kóbeie túsetini aiqyn.
Dáriger mamandyǵy – jaýapty ári kúrdeli mindet. Prezidenttiń densaýlyq saqtaý salasyndaǵy qyzmetkerlerdi qoldaýy bizdiń jaýapkershiligimizdi arttyra tústi. Biz de óz tarapymyzdan halyq densaýlyǵyn saqtaý jolynda kásibi múmkindikterimizdi jetildire túsýge bar kúshimizdi salamyz", - deidi ol.
