Álem boiynsha azyq-túliktiń qymbattaýy sońǵy 10 jyldyń rekordtyq kórsetkishine jetti. Bul týraly QR Saýda jáne integratsiia ministri Baqyt Sultanov aitty, dep habarlaidy QazAqparat.
«Azyq-túlik baǵasynyń ósýi búkil álemde baiqalady. Birikken Ulttar Uiymynyń Azyq-túlik jáne aýyl sharýashylyǵy qurylymynyń derekterine sáikes, biylǵy mamyr aiyndaǵy baǵalar ótken jyldyń sáikes kezeńimen salystyrǵanda 40%-ke ósken. Bul sońǵy 10 jyldyń rekordtyq kórsetkishi bolyp otyr», - dedi Saýda ministri búgingi Úkimet otyrysynda.
Onyń aitýynsha, baǵanyń qymbattaýy kórshiles elderde de baiqalady. Máselen, Reseimen salystyrǵanda Qazaqstanda kóptegen taýarlar boiynsha baǵa ósimi tómen.
«Ókinishke orai, álemdik naryq bizge de áser etti. Biraq, bizde ishki naryqtaǵy suranys pen usynystyń teńgerimsizdigine ákeletin qosymsha problemalar baiqalady», - deidi Baqyt Sultanov.
Aita keteiik, biylǵy 5 aidyń qorytyndysy boiynsha áleýmettik mańyzy bar azyq-túlik taýarlarynyń aitarlyqtai qymbattaýy Túrkistan oblysynda – 9,4%, Nur-Sultan qalasynda – 8,5% jáne Almaty qalasynda – 6% tirkelgen.
Baǵanyń eń tómen ósimi Batys Qazaqstan oblysynda – 5,7%, Aqmola oblysynda – 5,6% jáne Qaraǵandy oblysynda – 5,2% baiqalady.
