Elordada ótip jatqan Halyqaralyq neirohirýrgiia forýmynyń kýlýarynda QR Densaýlyq saqtaý ministri Ajar Ǵiniiat eldegi epidemiologiialyq ahýal týraly pikir bildirdi, dep habarlaidy QazAqparat.
«Dál búginde respýblika boiynsha qorqynyshty jaǵdai joq – «jasyl» aimaqtamyz. Bizdiń aýrýhanalarymyzda júzdegen adam em alyp jatyr. Aýrýhananyń alty-aq paiyzǵa toly. Sonyń ishinde 4 adamnyń densaýlyq jaǵdaiy nashar degen qorytyndymen dárigerleriń baqylaýyna alyndy», - dedi ministr BAQ ókilderiniń saýalyna bergen jaýabynda.
Onyń málimeti boiynsha, respbýlika «jasyl» aimaqta turǵandyqtan, ázirge maska rejimin engizý kún tártibinde turǵan joq.
«Ózderińiz bilesizder, elimizde epidemiologiialyq jaǵdaidy baqylaityn matritsa bar. Eger óńirler «jasyl» nemese «qyzyl» aimaqtarǵa ense, tiisti sanitarlyq-epidemiologiialyq sharalar qoldanylady. Qazirgi jaǵdaida «jasyl» aimaqta bolǵandyqtan ondai sharalar joq. Al eger «sary» aimaqqa kirgen keibir óńirlerde aýrýshańdyq kóbeiip, qandai da bir qaýip-qater týyndasa, ministrlik tarapynan, sanitalyq-epidemiologiialyq dárigerdiń tarapynan tiisti sharalar qoldanylady. Búgingi tańda alańdaýǵa esh negiz joq. Biraq aldymyzdy oilap, qandai da bir sharalardy josparlap qoiamyz», - dedi Ajar Ǵiniiat.
