Ázerbaijanda jańa tiptegi koronavirýs juqtyrǵandar sany 24 myńnan asty, dep habarlaidy "Ult aqparat".
Ázerbaijan Respýblikasy úkimeti janyndaǵy jedel shtabtyń málimetinshe, 12 shilde kúni keshkisin elde bir táýliktiń ishinde 520 adamnan koronavirýs tabylǵan. Osy ýaqyt ishinde respýblikada 486 adam emdelip, úiine shyǵaryldy. Sondai-aq, COVID-19-dan taǵy 8 adam kóz jumǵan.
2020 jyldyń 12 shildesi kúngi málimet boiynsha, jalpy elde 24 041 adam indetke shaldyqqan, sonyń ishinde 306 adam qaitys bolyp, 15 093-i - emdelip shyqqan. 8 642 adam aýrýhanalarda emdelip jatyr. COVID-19 anyqtaý úshin barlyǵy 568 234 test jasalǵan.
Budan bólek, Geidar Aliev qorynyń shaqyrtýymen Ázerbaijanǵa koronavirýspen kúresý úshin 22 reseilik dáriger kelgen.
