Ázerbaijanda Covid-19 virýsyn juqtyrǵan azamattar sanynyń kúrt ósýine jáne sanitarlyq-epidemiologiialyq jaǵdaidyń nasharlaýyna bailanysty birqatar shekteý engizdi, dep habarlaidy "Ult aqparat".
Operativtik shtabtyń habarlaýynsha, 19 qazan saǵat 00.00-den 2 qarasha saǵat 06.00-ge deiin Baký metropoliteniniń qyzmeti toqtatylady.
Kórsetilgen merzimde eldiń barlyq bilim berý mekemesinde kanikýl jariialandy.
Qyzmetkerlerdi qashyqtan basqarý rejimine kóshirý arqyly memlekettik qyzmetkerlerdiń jumysqa shyǵýy 30% - ǵa deiin qysqarady.
Osyndai talaptar men erejeler jeke sektorda jáne basqa salalarda jumys isteitin mekemeler men uiymdarǵa usynylady.
Joǵary táýekel tobyna kiretin 65 jastan asqan adamdarǵa qajettiliksiz úiden shyqpaýǵa keńes beriledi.
Sondai-aq, qabyldanǵan sharalar aiasynda jedel shtab azamattardy jeke gigiena erejelerin, sondai-aq meditsinalyq-profilaktikalyq erejelerdi qatań saqtaýǵa, qorǵanys maskalaryn qoldanýǵa, qajet bolǵan jaǵdaida úiden shyǵýǵa, qoǵamdyq oryndarda beitanys adamdarmen az bailanysta bolýǵa, qoldanystaǵy karantindik jaǵdailardy saqtaýǵa shaqyrady.
