Ázerbaijanda koronavirýsty juqtyrý jielep ketkendikten karantin sharalary qaita kúsheitildi, dep habarlaidy «Habar 24».
Ministrler kabineti janyndaǵy jedel shtabtyń sheshimi boiynsha osy aptada senbi jáne jeksenbi kúnderi úiden shyǵýǵa tyiym salynady. Bul kúnderi barlyq mekemeler jumys istemeidi, qoǵamdyq kólik pen avtomobilder júrmeidi. Bul naýqastar sany kúrt artqan Baký, Sýmgait, Gianja, Liankoran qalalary men Apsheron aýdanyna qatysty shekteý. Tek dárigerler men mańyzdy salalardyń mamandaryna jumys isteýge ruqsat etiledi.
Mamyr aiynda Ázerbaijanda karantin tártibi jeńildetilgennen keiin koronavirýsty juqtyrý sany tym ósip ketti. Sońǵy antirekord 3 mamyrda tirkeldi. Bul kúni 325 naýqas anyqtaldy.
«Naýqastar sany kúrt ósti. Osy rette biz 6 jáne 8 maýsym aralyǵynda Baký, Sýmgait, Gianja, Liankaran qalalary men Apsheron aýdanynda qatań karantin tártibin engizetin boldyq. Bul sharalardyń barlyǵy azamattarymyzdyń densaýlyǵy men ómirin qorǵaýǵa baǵyttalǵan. Sondyqtan aýrý órshise qatal sharalar eldiń ózge qalalary men aýdandarynda da qabyldanýy múmkin»,-deidi Ázerbaijan premer-ministri Ali Asadov.
