Milli Medjlistiń kezekten tys sessiiasyndaǵy búgingi otyrysta koronavirýs pandemiiasy kezinde meditsinalyq maska taqpaǵandarǵa aiyppul salý máselesi talqylandy, dep habarlaidy Trend.
Osyǵan bailanysty úshinshi oqylymda Ákimshilik áreketter týraly kodekske túzetý engizý talqylaýǵa shyǵaryldy. Ózgeriske sáikes, jeke qorǵanys quraldaryn paidalanýǵa bailanysty tiisti atqarýshy bilik organy belgilegen talaptardy buzǵany úshin, sondai-aq laýazymdy tulǵalardyń osy talaptardy buzýdyń jolyn kespegeni úshin jeke tulǵalarǵa - 50 manat, laýazymdy tulǵalarǵa – 100 manat (24 135 teńge), zańdy tulǵalarǵa - 200 (48 270 teńge)manat kóleminde aiyppul salynady.
Karantin rejimi aiaqtalǵanǵa deiin osy erejeni qaita buzǵan adamdar - 100 manat, laýazymdy tulǵalar – 200 manat, zańdy tulǵalar – 400 manat aiyppul tóleidi.
Ózgeris talqylaýdan keiin daýys berýge shyǵarylyp, qabyldandy.
