Foto: Pinterest
Ult.kz-te jihankez jýrnalist Dinara Bolattyń ózge paiymy
Jańa konstitýtsiia boiynsha referendým ótti. Ortalyq referendým komissiiasynyń aldyn ala nátijeleri boiynsha 9 126 850 azamat daýys berý ýchaskelerine kelip, óz azamattyq ustanymyn bildirgen. Bul degenimiz halyqtyń 73,24% -y. Onyń ishinde qazaqstandyqtardyń 87, 15%-y jańa Konstitýtsiiany qoldap daýys bergen.
Azamattyq pozitsiiaǵa bailanysty
Ádette adamdardyń sailaý, referendýmǵa baryp daýys berý, bermeýi onyń azamattyq pozitsiiasyna bailanysty. Halyqtyń ózgeris bolady dep senetinderi ádette daýys berýge belsendi qatysady. Al úmiti azaiǵan, bilikke senimi ketken, ózi ómirden sharshap júrgen adamdardyń saiasi protseske qatysýǵa qulqy tómendeidi.
Alaida beitarap pozitsiiada júrgender de bolady. Mine sol jandardyń el taǵdyryna aralasý, aralaspaýyna kóbine naqty saiasi ustanymnan góri belgili bir jaǵdailar men psihologiialyq faktorlar áser etedi.
Eger adamda sol kezeńde úmit, jai qyzyǵýshylyq, ózgeris bolýy múmkin degen senim bolsa barýy da yqtimal. Al nemqurailylyq, sharshaý nemese eshteńe ózgermeidi- aý degen sezim bolsa, barmaýy da múmkin. Bul jerde sol kúngi sheshimdi kóńil kúii sheshedi.
Áleýmettik ortanyń áseri de bar
Otbasy, dostar, áriptesterdiń áńgimesi, olardyń belsendiligin qaitalap, jaqyn adamdarynyń ortasyndaǵy ortaq ahýalǵa ilese salýy da múmkin.
Sol kúnderi mediadaǵy ton, áleýmettik jelidegi pikirler, qoǵamdyq talqylaý deńgeii beitarap adamdardy belsendi bolýǵa itermelep nemese kerisinshe kóp aitylǵa bergennen alystatyp jiberýi de múmkin.
Ýaqyttyń tyǵyzdyǵy, jumystan sharshap júrýi, sol kúngi aýa raiy, daýys berý ýchaskeniń qolailylyǵy siiaqty jaǵdailar da beitarap pozitsiiadaǵy adamdardyń belsendiligine tikelei áser etedi.
Paiym
Dese de qazir beitarap pozitsiiada júrgen kez kelgen jan keleshekte naqty bir saiasi ustanymǵa kelip, taraptyń bir jaǵyna shyǵady. Bastysy ár adamda óz eline, eliniń keleshegine sanaly túrde aralasyp, úles qosýy, onyń tikelei azamattyq boryshty ekenin túsiný mańyzdy. Sebebi bul ár azamattyń eldiń bolashaǵyna jaýapkershilikpen qaraýdyń kórinisi, túptep kelgende óziniń arynyń aldyndaǵy esebi.
Dinara Bolat
.jpg)
