Bilim jáne ǵylym ministri Ashat Aimaǵambetov tehnikalyq jáne kásiptik bilim berý ardagerlerine nagradalar tabystady, dep habarlaidy "Ult aqparat".
«Búgin tehnikalyq jáne kásiptik bilim berý ardagerlerimen kezdesý ótkizip, vedomstvolyq nagradalardy tabys ettim.
TjKB júiesiniń ardagerleri bilim berý úderisin jaqsartýǵa baǵyttalǵan kóptegen normativtik quqyqtyq aktilerdi ázirleýge atsalysyp, jalpy bilim salasyn damytýǵa qosqan úlesi úshin laiyqty marapattarǵa ie boldy» dep jazdy ministr Feisbýktegi paraqshasynda.
Ashat Aimaǵambetov bilim berý ardagerlerimen kezdesýler ózine árdaiym mańyzdy ekenin, óitkeni olar qundy tájiribelerimen bólisip, bilim berý protsesin jetildirý úshin ózderiniń kózqarastary men usynystaryn aitatynyn atady.
«Biz búgin TjKB júiesindegi jetistikterdi, ózekti máselelerdi, tehnikalyq jáne kásiptik bilim berý men kadrlar daiarlaýdyń sapasyn jetildirý boiynsha kózdelgen josparlardy talqyladyq.
Bizdiń TjKB júiesiniń bilim berý úzdikteri – ardagerlerimizge, sondai-aq búgin myńdaǵan kolledj stýdentterin oqyta otyryp, tehnikalyq jáne kásiptik bilim berý salasynyń damýyna kún saiyn úles qosyp júrgen kolledj pedagogterine eren eńbegi úshin alǵys aitamyn» dep túidi sózin ol.
