Elek ózeniniń jaǵasyna tynyǵýǵa baryp, sýǵa batyp bara jatqan áielin qutqarmaq bolǵan aqtóbelik sýǵa ketti, dep habarlaidy "Ult aqparat".
30 mamyr kúni oblystyq tótenshe jaǵdailar departamentiniń kezekshi bólimine eki adamnyń sýǵa batyp bara jatqany týraly aqparat tústi. Olar Aqtóbe qalasy Shie baǵy baý-baqsha ujymynda demalyp, Elek ózenine sýǵa túsken.
«Sý aidyndaryn aralaý jumystaryn júrgizip júrgen qalalyq tótenshe jaǵdailar basqarmasy qyzmetkerleri 59 jastaǵy áieldi qutqardy. Al sýǵa batyp bara jatqan áielin qutqarmaq bolǵan 60 jastaǵy aqtóbelikti aman alyp qalý múmkin bolmady. Jedel qutqarý jasaǵynyń kúshimen azamattyń denesi sý túbinen 2,5 metr tereńnen shyǵaryldy», - dep habarlaidy oblystyq TJD baspasóz qyzmeti.
