Foto: profile.ru
Qazaqstandyq áiel burynǵy kúieýiniń bank shotyndaǵy málimetti bilý quqyǵyna ie bolý úshin Konstitýtsiialyq sotqa júgindi, dep habarlaidy Ult.kz sottyń baspasóz qyzmetine silteme jasap.
Konstitýtsiialyq sot málimetinshe, áieldiń ótinishi negizinde Konstitýtsiialyq sot "Qazaqstan Respýblikasyndaǵy bankter jáne bank qyzmeti týraly" Zańynyń 50-baby 4-tarmaǵynyń Qazaqstan Respýblikasynyń Konstitýtsiiasyna sáikestigin tekseredi.
Atalǵan normaǵa sáikes, bank qupiiasy bolyp sanalatyn málimetter tek klienttiń ózine nemese shot (múlik) iesiniń kelisimimen úshinshi tulǵaǵa ǵana ashylýy múmkin.
Áiel adam kórsetilgen ereje is júzinde erli-zaiyptynyń biriniń ortaq jinaqtar týraly aqparat alý múmkindigin shekteidi jáne erli-zaiyptynyń ortaq múlkindegi úleske quqyqty iske asyrýǵa kedergi keltiredi dep esepteidi.
Ótinishte kórsetilgendei, nekeni buzǵannan keiin ortaq múlikti bólý týraly talap-aryz daiyndaý barysynda ótinish berýshi burynǵy jubaiynyń neke kezeńinde jinaqtaǵan qarjylyq qarajaty týraly málimetterdi ala almaǵan.
Osyǵan bailanysty ol ekinshi deńgeidegi bankterge qatysty tiisti aqparatty usyný mindetin júkteý týraly talap-aryzben sotqa júgingen. Alaida sot talaptardy qanaǵattandyrýdan bas tartqan.
Otyrysqa ótinish iesi men onyń zań konsýltanty, parlament palatalarynyń, Bas prokýratýranyń, Ulttyq banktiń, Qarjy naryǵyn retteý jáne damytý agenttiginiń, Ádilet ministrliginiń, Zańnama jáne quqyqtyq aqparat institýtynyń, sondai-aq Parlamentarizm institýtynyń ókilderi qatysty.
Konstitýtsiialyq Sottyń qorytyndy sheshimi aldaǵy ýaqytta Konstitýtsiialyq zańnyń 65-babyna sáikes KS resmi saitynda jariialanady.
