Elorda mańynda ótken áskeri jattyǵý kezinde jas sarbaz baqilyq boldy. Oqiǵa búgin Kishi Mailan oqý-jattyǵý alańynda bolǵan. Maqtaýly "Aibyn" prezidenttik polkinde kelisim-shartpen júrgen kishi serjantty janyndaǵy serigi baiqaýsyzda jazym qylypty, dep habarlaidy KTK arnasy.
Ázirge áskeriler aityp otyrǵan resmi nusqa osy. Biraq 21 jastaǵy Darhan Máliktiń jaqyndary buǵan senbeidi. Sebebi "tańnan beri syltaý san ózgerdi" deidi zar ilegen baýyrlary.
Jumanyń tańy Málikovter otbasy úshin qaiǵymen bastaldy. Búgin olar maqtaýly prezident polkinde qyzmetin múltiksiz atqaryp júrgen uldarynan aiyryldy. Kishi serjant Darhan Málik keshe keshke túngi kezekshilikke ketken. Al búgin tańda 21 jastaǵy jigittiń tapanshadan atylyp qalǵany týraly sýyq habar jetti.
"Ákesimen sóileskende aitty «maǵan zvondap, oq tiip ózine-ózi atylyp ketti» deidi. Stolovyida otyrǵanda ózinen-ózi atylyp ketti. Endi týysymyzdyń úiine qyzmetinen adamdar kelip jatyr degesin biz aittyq «ketpesin, tildeseiik, sóileseiik, bizge ne aitady eken» dep. Sol kezde aitty eki jigit otyrady, nariadty tapsyryp ashanada. Ashanada otyrǵan ýaqytta Darhan myltyǵynda oq bolmaidy. Pýstoi bolady. Oinap otyrǵan. Al qarsylasynda oq bolady, ol baiqamai qalady. Atqan ýaqytta birden basyna tiedi" - deidi marqumnyń týysy Aizada Seidahmetova.
Oqiǵa astanadan 60 shaqyrym jerdegi poligonda bolǵan. Kishi Mailan dep atalatyn poligonda áskeriler oqý-jattyǵý jiynyn ótkizip jatqan. Kelisim-shartpen qyzmet etetin Darhan Málik sonda kúzette bolypty. Sýyt kelgen habarǵa sene almaǵan týystary shydai almai, tańerteńnen áskeri bólimge jetti. Olar ajaldyń seriginen kelgenine kúmán keltirip otyr. "Óitkeni komandirlerdiń jaýaby tańnan beri san ózgerdi" deidi ákesi.
"Maǵan aitqan aqparaty ártúrli bolyp tur. Tańerteń aitty óziniń avtomaty atylyp ketti dep. Endi bir saǵat ótkennen keiin zvondasam, joldas jigit stolovyidyń ishinde atypty dedi. Endi súiekti alyp kele jatqan ofitserler mýsor tógýge shyqqan, sol jerde ekeýi bir-birimen oinaǵan, sonda atylyp qaldy deidi. Ártúrli aqparat" - deidi ákesi.
Dese de, ázirge resmi nusqa osy. Airyqsha maqsattaǵy memlekettik kúzet kúshteri qolbasshysynyń orynbasary jazataiym oqiǵa dep sendirip tur. Poligonda bolmaǵannan keiin polkovnik myrza ózi de mán-jaidy ashyq bilmeidi eken. Biraq marqumnyń týystaryna habar aityp, barlyq aiqaidy estip júrgen osy kisi.
"Muny bizder teksermeimiz. Áskeri tergeý bastaldy. Olar serigi ekeýi qarapaiym qaýipsizdik erejesin buzǵan. Kezekshilik kezinde tapanshany jáidan-jái syrtynan alyp shyǵýǵa da bolmaidy. Ol óziniń syrtynda turý kerek. Ony nege sýyryp alyp shyqty, men bilmeimin. Áskeri qylmystyq bólim osy suraqtardy anyqtaityn bolady" - deidi QR Memlekettik kúzet qyzmeti airyqsha maqsattaǵy kúshter qolbasshysynyń orynbasary Erlan Jarqynbaev.
Darhandy jazataiym atyp aldym degen serigi birden tergeýge alynypty. Ol marqummen birge áskeri sapqa kelgen, artyq minezi baiqalmaǵan bala deidi jaýaptylar. Ekeýi dos ta bolǵan. Qazir serjanttyń denesi máiithanada. Súiegi tekseristen keiin týǵan jeri Arqalyqqa jetkiziledi. Túngi kezeginiń bitýine jarty táýlik qalǵanda ómirimen qoshtasqan serjanttyń artynda 20 jastaǵy áieli, tórt baýyry men ata-anasy qaldy.
