Túrksib aýdanynda turatyn almatylyqtar áleýmettik jeli arqyly ortalyqtandyrylǵan káriz júiesi men aýyzsýdyń joqtyǵyna shaǵymdandy, dep habarlaidy "Ult aqparat".
«Túrksib aýdanyndaǵy Baimaǵambetov kóshesinde jeke sektorda turamyz. Bizde káriz júiesi men aýyzsý joq. Júrgizgen qubyrlardyń syrtqa shyǵyp jatqanyna 5-6 jyl boldy. Biz sýdy tasyp ishemiz. Qalanyń ortalyǵynda turamyz, biraq sý joq. Tipti, aýyldyq jerlerdiń ózinde aýlalarda sý bar», - dep jazdy jeli qoldanýshylary.
Aýdandyq ákimdiktiń málimetinshe, Baimaǵambetov kóshesindegi injenerlik jelilerdiń qurylysyn aiaqtaý biylǵa josparlanyp otyr.
«Jas Qanat» shaǵynaýdanynyń jeke sektorynda ornalasqan 530 úii ortalyq kommýnikatsiialarmen qamtamasyz etiledi. Qazirgi ýaqytta jobalyq-smetalyq qujattama ázirlenip jatyr. Jol salý jumystary Almaty qalasynyń Mobildilik basqarmasy injenerlik jelilerdiń qurylysyn aiaqtaǵannan keiin júrgiziledi. Barlyq qajetti ótinishter aýdan ákimi apparatynan quzyreti mekemelerge berildi. Jumys merzimi men jospardy ýákiletti organdar anyqtaidy», - dep jaýap berdi aýdan ákimdigi.
