Halyqaralyq aýyr atletika federatsiiasynyń (IWF) qyzmetine qatysty jalǵasyp jatqan tergeýde jemqorlyq faktileri anyqtalsa, aýyr atletika Olimpiada oiyndarynyń baǵdarlamasynan shyǵarylýy múmkin, - dep habarlaidy Olympic.kz.
Halyqaralyq aýyr atletika federatsiiasynyń sońǵy eki sailaý kongresinde sailaýshylarǵa para berý órshigeni anyqtalǵan, sonymen qatar 10 mln dollar alynyp, oń nátije bergen 40 doping synamasy jasyrylǵan. Bul aýyr atletika boiynsha sybailas jemqorlyqqa qatysty tergeýdiń táýelsiz tujyrymdary, tergeýdi basqarǵan kanadalyq zańger Richard Maklaren jariialaǵan.
Bul týraly kanadalyq zańger Richard Maklaren aýyr atletika boiynsha sybailas jemqorlyqqa qatysty táýelsiz tergeý nátijesinde belgili boldy. Tergeý barysynda Maklaren Tamash Aiandy «IWF-tiń» avtoritarlyq kóshbasshysy» dep atady.
Sebebi, ol halyqaralyq aýyr atletika federatsiiasynda 44 jyldan beri qyzmet atqaryp keledi. Bas hatshy bolsa, qazirde halyqaralyq federatsiia prezidenti qyzmetinde. Alaida, Tamash Aian kez kelgen zań buzýshylyqty joqqa shyǵaryp otyr.
«Biz osy baiandamadan, atap aitqanda, dopingke qarsy jáne basqarýǵa qatysty osy esepte kórsetilgen is-sharalardan qatty alańdaýshylyq bildiremiz. IWF qadaǵalaý komissiiasynyń qorytyndylaryna bailanysty biz qatań sharalar qabyldaý quqyǵyn ózimizde qaldyramyz. Tek munymen ǵana shektelmei, aýyr atletikany Olimpiada baǵdarlamasynan shyǵarý týraly máseleni kóteremiz», - dedi HOK prezidenti Tomas Bah.
81 jasar Tamash Aian HOK-tyń burynǵy múshesi, IWF-ta 70 jyldardan bastap jumys istep kele jatyr. Áieli bas hatshy qyzmetinde bolsa, 2000 jyldan beri biyl qyzmetinen ketkenshe prezident boldy. 121 betten turatyn baiandamada IWF-tegi sybailas jemqorlyqtyń keń aýqymy egjei-tegjeili sipattalǵan. Qujattaǵy málimet boiynsha, qolma-qol aqsha Tamash Aiannyń negizgi «tabys kózi» bolǵan.
Doping aiyppuldary men iri jarys aldynda nemese IWF kongresinde IWF esepshotynan qomaqty qarjy sheship alynyp, Aianǵa tólenip otyrǵan.
«Biz qazir IWF-tiń jańa basshylyǵyna federatsiiany reformalaýdy, sondai-aq dopingke qarsy júieni federatsiiadan táýelsiz etý áreketin tolyǵymen qoldaitynymyzdy aitamyz. Oǵan degen negizgi qadamdar jasaldy».
Bah osy tergeý isine qatysty IWF-tiń eshqandai múshesine HOK tarapynan kelesi jyly Tokioda ótetin Olimpiada oiyndaryna akkreditatsiia berilmeitinin aitty.
«Mundai sheneýnikter HOK-tyń Tokiodaǵy daiyndyq kezdesýlerinde bir ústel ústinde otyrmaidy», - dedi Bah.
