Básekelestikti qorǵaý jáne damytý agenttigi qus fabrikalarynyń ótinishin qaraý qorytyndysy boiynsha Aýyl sharýashylyǵy ministrligine qatysty memlekettik organnyń básekelestikke qarsy is-qimyl belgileri boiynsha tergeýdi bastady. Bul jaiynda agenttiktiń saitynda habarlandy.
Monopoliiaǵa qarsy zańnamany QR AShM taýyq jumyrtqasyn óndirýshilerge sýbsidiialardy bólý kezinde buzǵany anyqtaldy. Tergeý nátijeleri boiynsha tiisti baǵa beriletin bolady.
Budan bólek, Básekelestikti qorǵaý jáne damytý agenttigine kelip túsken ótinishtiń negizinde QR AShM Aýyl sharýashylyǵy janýarlaryn sáikestendirý erejesine taldaý júrgizildi.
Onda malǵa arnalǵan sáikestendirý quraldaryn (qulaq syrǵalaryn) áleýetti jetkizýshilerge qoiylatyn talaptar qamtylǵan.
Belgili bolǵandai, bul ereje áleýetti jetkizýshilerdiń memlekettik satyp alýǵa qatysýyn shekteidi, óitkeni onda aýyl sharýashylyǵy janýarlaryn sáikestendirý júrgizýge arnalǵan quraldy sertifikattalǵan ónimi janýarlar týraly jazbalardy júrgizý jónindegi halyqaralyq uiymnyń (ICAR) internet-resýrsynda usynylǵan óndirýshiler daiyndaidy delingen.
Al Qazaqstan naryǵynda ónimderi ICAR internet-resýrsynda kórsetilmegen malǵa arnalǵan qulaq syrǵalaryn óndirýshiler bar.
Anyqtalǵan faktiler negizinde QR AShM-ǵa monopoliiaǵa qarsy zańnamany buzý belgilerin joiý týraly eskertý engizildi.
Eskertý zańnamada belgilengen merzimde oryndalmaǵan jaǵdaida agenttik tergep-tekserýdiń júrgizilýine bastamashylyq etedi.
