QR Aýyl sharýashylyǵy ministrligi Aqtóbe oblysynda shegirtkeniń qaptaýyna qatysty túsinikteme berdi, dep habarlaidy "Ult aqparat".
«Aqtóbe oblysy Áiteke bi aýdanynyń Basqudyq, Jabasaq, Sarat, Aqtasty, Aqkól jáne Qumkudyq aýyldyq okrýgteriniń aýmaǵynda shegirtkeniń italiialyq prýs túrimen kúres boiynsha fitosanitariialyq qorǵaý sharalary jalǵasýda. Bul jumystarǵa 9 birlik tehnika, onyń ishinde eki gaz generatory, bir ushaq jáne 6 jerústi búrikkishteri jumyldyryldy. Óńdeý ýaqtyly, ǵylymi negizdelgen merzimde bastaldy», - dedi QR Aýyl sharýashylyǵy ministrliginiń Agroónerkásip keshinindegi memlekettik inspektsiia komitetinen.
Mamandar himiialyq óńdeýdiń maksimaldy tiimdiligin qamtamasyz etý úshin shegirtkeler belsendi emes kúide bolǵan kezde keshki jáne tańerteńgi ýaqytta júrgiziletinin aitady.
Sondai-aq, komitet insektitsidterdiń barlyq qajetti kólemi aimaqqa ýaqtyly jetkizilgenin, himiialyq óńdeý qyzmetterin atqaratyndarmen aldyn ala kelisimsharttar jasalǵanyn atap ótti. Áiteke bi aýdanynyń aýmaǵynda «Enjio», «Lokýstin», «Zelenyi Barer», «Gringold», «Vanteks» jáne «Tsiprofen»preparattarymen óńdeý jumystary júrgizilýde.
QR AShM AÓK memlekettik inspektsiia komitetiniń aqparaty boiynsha, biyl Aqtóbe oblysynda úiirli shegirtkeler 70,39 myń gektarǵa taralýy múmkin degen boljam bar. Al jalpy respýblika boiynsha ziiankester 640 myń gektardan astam alańǵa taralýy múmkindigi boljanýda.
«Pestitsidter men himiialyq óńdeý qyzmetteri barlyq boljamdy alańǵa satyp alyndy. Sonymen qatar, 223 myń gektarǵa jetetin pestitsid qory bar.
Úiirli shegirtkelerdi tiimdi óńdeý úshin pestitsidterdiń túrli toptarynyń preparattary satyp alyndy. Bul baǵyt boiynsha oblys ákimdikterimen birlese jumys isteý júiesi ázirlendi. Qazirgi ýaqytta oblys ákimderiniń orynbasarlary basqaratyn jedel shtabtar quryldy. Sondai-aq monitoring jáne himiialyq óńdeý jumystaryn uiymdastyrý jónindegi jumys josparlary bekitildi», - dep qosty komitetten.
Málim etilgendei, úiirli shegirtke ziiankesteriniń oshaqtaryn anyqtaý úshin 38,4 mln gektar jer zertteledi. Bul jumysty júrgizý úshin 524 avtokólik pen 1230 tekserýshi tartylady.
«Respýblikanyń Túrkistan jáne Jambyl oblystarynda marokko shegirtkesine qarsy óńdeý jumystary aiaqtaldy. Al, Aqtóbe oblysynda italiialyq prýsqa qarsy óńdeý jumystary jalǵasýda.
Úiirli shegirtke qarsy kúres boiynsha jaǵdai Qazaqstan Respýblikasy Aýyl sharýashylyǵy ministrliginiń turaqty baqylaýynda», - dedi QR AShM Agroónerkásip keshinindegi memlekettik inspektsiia komitetinen.
