Foto: Oqý-aǵartý ministrligi
«Jalyn» dep atalǵan robot turmystyq qaldyqtar men japyraqtardy jinai otyryp, arnalardyń taza bolýyn jáne sýdyń kedergisiz aǵýyn qamtamasyz etedi. Bul týraly Oqý-aǵartý ministrliginiń baspasóz qyzmeti habarlady.
«100 jańa esim — 100 novyh lits» aidarynda biz ózgelerge úlgi bolarlyq jáne bilim berýge jańa serpin beretin tulǵalar jaily baiandaimyz. Bul jolǵy keiipkerlerimiz — Abai oblysy Aiagóz aýdanynyń qazaq mektep-litseiinde oqityn 5-synyp oqýshylary: Ersultan Jumatai, Ámirhan Sapiev pen Ákejan Berikqazy. Olar sý arnalaryndaǵy qoqysty avtomatty túrde tazartatyn erekshe robot jasap shyqty.
Jobanyń negizgi maqsaty — sý arnalarynda qoqystardyń jinalýynyń aldyn alý. Oqýshylar ekologiia, injeneriia jáne robototehnika sabaqtarynda alǵan bilimderi boiynsha qurastyrǵan.
«Jalyn» dep atalǵan robot turmystyq qaldyqtar men japyraqtardy jinai otyryp, arnalardyń taza bolýyn jáne sýdyń kedergisiz aǵýyn qamtamasyz etedi.
Ideiadan bastap iske asyrýǵa deiingi barlyq kezeńderdi oqýshylar ózderi oryndap, mehanikalyq tazartý qaǵidalaryn jáne baǵdarlamalaýdyń negizderin zerttegen.
— Bizge bul ideia Prezidentimizdiń «Taza Qazaqstan» bastamasynyń arqasynda keldi. Robotymyz týǵan aýylymyzda tazalyqty saqtaýǵa kómektesse deimiz. Al bolashaqta qoqysty jinap qana qoimai, ony suryptai alatyn mini-robot jasaýdy josparlap otyrmyz, — deidi oqýshylar.
Aita keteiik, joba 2024 jylǵy FIRST Championship aimaqtyq kezeńinde joǵary baǵalanyp, úzdik ondyqqa enip, áleýmettik máselelerdi sheshýge qosqan úlesi, jańashyldyǵy men komandalyq jumysy úshin Core Values Winner nominatsiiasynda marapatqa ie boldy.
Aita ketelik Mańǵystaýlyq oqýshy Aziia-Tynyq muhity aimaǵynyń eń úzdik lingvisi atanǵan edi.
