Aýyl, kent, aýdandyq mańyzdaǵay qala men aýyldyq okrýg ákimderi eki merzimge ǵana sailana alady. Sailaý týraly konstitýtsiialyq zańǵa engizilgen túzetýler osyndai bappen tolyqqan.
Bul týraly Prezident Ákimshiligi Basshysynyń orynbasary Málik Myrzalin Habar-24 arnasyna bergen suhbatyna aitty.
«Bir adam eki retten artyq aýyl ákimi bola almaitynyn mańyzdy ereje deýge bolady. Sonymen birge, ákim partiiaǵa múshelikten aiyrylsa, jergilikti máslihat senimsizdik tanytqan jaǵdaida nemese Memlekettik qyzmet týraly zańmen bailanysty ózge de problemalarǵa tap bolsa, óz laýazymyn tapsyrýǵa májbúr bolady», - dedi Málik Myrzalin.
Ol, sondai-aq, ákim sailaýyna jasy 25-ten asqan kez kelgen Qazaqstan azamaty kandidat retinde qatysa alatynyn aitty.
Bul úshin Memlekettik qyzmet týraly zańnyń talaptaryna sai bolý kerek.
Eske salsaq, Prezident Qasym-Jomart Toqaev sailaý týraly Konstitýtsiialyq zańǵa ózgertýler men tolyqtyrýlar engizýdi kózdeitin qujatqa qol qoiǵan bolatyn.
