QR Bas memlekettik sanitar dárigeri Aijan Esmaǵambetova áýe, temir jol qozǵalysy ashylsa da, blokpostardyń nege alynbaitynyn túsindirdi, – dep habarlaidy QazAqparat.
«Birinshiden, karantindi jumsartý sharalary jaǵdaiǵa qarai kezeń-kezeńimen júrgiziledi. Avtobýstar men jeńil kólikke qaraǵanda, áýe reisin halyqtyń az bóligi qoldanady. Ekinshiden, elimizdiń ár óńirindegi jaǵdai ár túrli. Qazirgi tsifrlardan óńirler jaǵdaiynyń teńeskenin kórip otyrǵan joqpyz. Kei óńirde juqtyrýdyń eń tómengi kórsetkishi tirkelse, ózge óńirde – kerisinshe joǵary», - dedi bas sanitarlyq dáriger QR Densaýlyq saqtaý ministrliginiń Feisbýktegi baspasóz máslihatynda.
Spikerdiń aitýynsha, barlyq sheshim koronavirýs infektsiiasyn qosymsha taratpaý úshin qabyldanyp jatyr.
«Sondyqtan, jeńildetýdiń birinshi kezeńinde áýe reisteri iske qosyldy. Kelesi kezeńde – temir jol kóligi. Bálkim, odan keiingi kezeńderde óńirler arasyndaǵy blokposttar alynatyn shyǵar. Kei óńirler óz ishindegi blokbeketterdi alyp tastady. Sondyqtan da, koronavirýs infektsiiasynyń qaita taraýyna jol bermeý úshin blokposttar ashylmaidy», - dedi A, Esmaǵambetova.
Buǵan deiin bas sanitarlyq dáriger Qazaqstan áýejailarynda ózge elde júrgizilgen PTR testiniń nátijesi qabyldanatynyn habarlaǵan edi.
