Almaty ákimi Baqytjan Saǵyntaev qalada boi kóterýi múmkin jeńil relsti kólik jobasynyń qunyn atady, dep habarlaidy "Ult aqparat".
«Iá, bul másele kóp adamdy alańdatady. Biraq biz birinshi kezekte mynany túsinýimiz kerek. Joba jol ortada toqtap qalmaitynyna senimdi bolmaiynsha, ony bastai almaimyz. LRT-ni kez kelgen ýaqytta sala alamyz. Biraq másele qandai aqshaǵa salynatynynda. Mysaly, qurylys-montaj jumystarynyń quny shamamen 300 million dollardy quraidy desek, biýdjettiń ózi mundai jobany kótere almaidy. Al syrttan aqsha tartsaq, 50 paiyzyn biýdjet, 50 paiyzy seriktes kompaniia óz moinyna alýy kerek. Árine, aqsha syrttan sheteldik valiýtamen tartylady. Al onyń táýekeli orasan. Erteń qalai qaitaramyz? Joba aiaqtalǵannan keiin milliard dollardy qaitarý kerek bolady. Onyń joly qandai bolady? Sondyqtan biz máseleniń osy qyryn jiti pysyqtap jatyrmyz», - dedi ákim.
Onyń aitýynsha, Úkimet te qaladaǵy metro qurylysyn aiaqtap almai jatyp, LRT salý tiimsiz degen ustanymyn bildergen.
«Biz Úkimetpen aqyldastyq. Olar metro men jeńil LRT siiaqty eki iri jobany bir mezgilde júrgizý qiyn bolatynyn aityp otyr. Áýeli metro salynyp bitýi kerek. LRT-ni sodan keiin ǵana qolǵa alýǵa bolady», - dedi Baqytjan Saǵyntaev.
