«Qazgidromet» RMK aýa raiynyń nasharlaýyna bailanysty 30 maýsym kúnge birneshe óńirde eskertý jariialady, dep habarlaidy «Ult aqparat».
Atap aitqanda, Soltústik Qazaqstan oblysynyń basym bóliginde jańbyr kútiledi. Kei jerlerde táýlik boiy naizaǵai oinap, burshaq jaýady. Ońtústik-shyǵystan, shyǵystan soǵatyn jeldiń kúshi 15-20 m/s jetýi yqtimal. Aqmola oblysynyń kei jerlerinde naizaǵai, daýyl boljanady.
Ońtústik-shyǵystan, ońtústikten soǵatyn jeldiń ekpini 15-20 m/s artady. Nur-Sultan qalasynda kúndiz naizaǵai oinap, ońtústik-shyǵystan, ońtústikten soǵatyn jeldiń jyldamdyǵy 15-18 m/s kúsheiedi.
Qyzylorda oblysynda kúndiz soltústik-shyǵystan soqqan jel soltústik-batysqa aýysyp, kúshi 15-20 m/s jetedi.
Qostanai oblysynyń kei jerlerinde naizaǵai, daýyl, burshaq kútiledi. Shyǵystan jel soǵady, ekpini 15-20 m/s artady.
Aqtóbe oblysynda kúndiz kei jerlerde qatty jańbyr, burshaq boljanady. Soltústikten, soltústik-shyǵystan soǵatyn jeldiń kúshi 15-20 m/s kúsheiedi. Kei jerlerde naizaǵai, daýyl kútiledi.
