Biyl Atyraý oblysyna shetelden 133 qandasymyz kóship keldi, dep habarlaidy "Ult aqparat".
Oblystyq jumyspen qamtýdy úilestirý jáne áleýmettik baǵdarlamalar basqarmasy mamandarynyń málimetinshe, jyl basynan beri óńirge shetelden 95 otbasy kóship kelgen.
Bul otbasylarda 133 etnikalyq qazaq bar.
«Qazaqstan Respýblikasynda turaqty turý maqsatymen qonys aýdarǵan etnikalyq qazaqtar qandas mártebesin aldy. Onyń ishinde Ózbekstan Respýblikasynan 88 otbasy (124 adam), Qytai Halyq Respýblikasynan 5 otbasy (7 adam) jáne Resei Federatsiiasynan 2 otbasy (2 adam) bar. Olardyń arasynan 116 múshesi bar 81 otbasy Atyraý qalasyna, 12 otbasynyń 15 adamy Jylyoi aýdanyna, al, Maqat aýdanyna 2 otbasy (2 adam) konystandy», - dep habarlady basqarma mamandary.
