video kadry
Áleýmettik jelilerde Atyraýda ózin emshi dep tanystyrǵan er adamnyń toǵyz jastaǵy qyzdan jyndy shyǵarý rásimin jasaǵany kórsetilgen beinerolik tarady. Qoǵamda úlken rezonans týdyrǵan bul beinejazbaǵa Qazaqstandaǵy bala quqyqtary jónindegi ýákil Dinara Zakieva nazar aýdardy, - dep habarlaidy Ult.kz Tengrinews.kz -ke silteme jasap.
Beinerolikte edende jylap jatqan qyzdy eki er adam ustap turǵany jáne olardyń biri qyzǵa suraqtar qoiǵany túsirilgen. Video jazbada toǵyz jastaǵy qyzǵa Liazzat esimdi 19 jastaǵy qyzdyń rýhy engeni aitylǵan.
Qaznette jariialanǵan rolikke qazaqstandyqtar narazylyq bildirdi.
"Qorqynyshty, bul orta ǵasyr ma? Qandai jyn shyǵarý? Qandai rásim? Beishara qyz, jylap jatyr", "Bul ne? Qyz ómir boiyna jaraqat alatyn boldy", - dep pikir qaldyrdy adamdar.
Qazaqstandaǵy bala quqyqtary jónindegi ýákil Dinara Zakieva da Instagram-paraqshasynda videoǵa qatysty óz pikirin bildirdi.
"Bul oqiǵa boiynsha IIM, óńirlik ýákildermen jumys istep jatyrmyz. Aldyn ala emshiniń kim ekenin jáne balanyń qaida ekenin anyqtadyq. Aqparat tekserilip, barlyq jaǵdai anyqtalyp jatyr", – dep jazdy ol.
Atyraý oblysyndaǵy bala quqyqtary jónindegi ýákil Aijan Sarsembaeva "Aq Jaiyq" gazetine bergen suhbatynda qyzdyń Almaty qalasynda turatynyn, sondyqtan bul is Almaty oblysyndaǵy ýákildiń qaraýynda ekenin málimdedi.
"Qazirgi ýaqytta emshiniń Atyraý oblysynda turatyny belgili, biraq ol el aýmaǵynda gastroldik saparlarmen qyzmet kórsetedi", – dep qosty ol.
Quqyq qorǵaý organdary emshimen áńgime ótkizgeni belgili. Alaida ol qyzdyń esimi men tegin esine túsire almady, óitkeni ol onyń kóptegen "naýqastarynyń" biri ǵana bolǵan.
