Foto: videodan alynǵan kadr
Qazaqstan Respýblikasy Ishki ister ministrliginiń qyzmetkerleri sheteldik áriptestermen birlesken is-qimyl nátijesinde Indoneziia Respýblikasynyń Lombok aralyndaǵy Senarý aýylynda asa aýyr qylmysqa kúdik keltirilgen azamatty ustady, dep habarlaidy Ult.kz.
Ol QR Qylmystyq kodeksiniń 99-baby 2-bóligi (eki adamdy qasaqana óltirý) boiynsha jaýapqa tartylyp otyr.
Kúdiktimen birge buǵan deiin habar-osharsyz ketkeni týraly halyqaralyq izdeý jariialanǵan burynǵy jubaiy da anyqtalǵan.
Áleýmettik jelilerde kúdiktiniń shetelde ustalǵan sáti túsirilgen video tarady.
Tergeý málimetinshe, 2025 jylǵy qarashada Atyraý oblysy aýmaǵynda kúdikti uzaqqa sozylǵan turmystyq janjal men paidakúnemdik niet negizinde eki adamdy óltirýdi aldyn ala josparlap, júzege asyrǵan. Qylmystan keiin izin jasyrý úshin máiitterdi sharýashylyq nysanynyń aýmaǵyna jasyrǵany, sondai-aq qan izderin joiýǵa áreket etkeni aitylady. Budan bólek, jábirlenýshilerdiń múlki men qarajatyn iemdengeni belgili boldy.
Qazirgi ýaqytta kúdiktilerdi Qazaqstanǵa deportatsiialaý máselesi qarastyrylyp jatyr.
