Foto: Nur.kz
Atyraýda 6 sáýir kúni tańerteń qaiǵyly jol-kólik oqiǵasy boldy. Nursaia shaǵynaýdanynda, Ál-Farabi atyndaǵy BINOM mektebiniń mańynda avtokólik jeti jasar qyzdy qaǵyp ketken, dep habarlaidy Ult.kz Qaz365.kz saityna silteme jasap.
Aldyn ala málimet boiynsha, bala sabaqqa bara jatyp, jaiaý júrginshiler ótkeli arqyly joldan ótip kele jatqan. Osy sátte ony kólik qaǵyp ketken. Alǵan jaraqattarynyń saldarynan oqýshy jedel járdem brigadasy kelgenge deiin oqiǵa ornynda kóz jumdy.
Kýágerlerdiń aitýynsha, qaiǵyly jaǵdai basqa oqýshylar men ata-analardyń kóz aldynda bolǵan. Oqiǵa ornyna jedel túrde politsiia qyzmetkerleri men dárigerler jetkenimen, balany qutqaryp qalý múmkin bolmaǵan.
Qazirgi ýaqytta quqyq qorǵaý organdary tergeý júrgizip jatyr, oqiǵanyń barlyq mán-jaiy anyqtalýda, qajetti saraptamalar taǵaiyndalǵan.
