Foto: ashyq derekkóz
Atyraý qalasynyń mańyndaǵy Geolog shaǵyn aýdanynda buǵan deiin joǵalyp ketken Jangeldin aýylynyń turǵyndary – Naýryz ben Miramgúldiń máiitteri tabyldy, dep habarlaidy Ult.kz "Aq Jaiyq" basylymyna silteme jasap.
Aldyn ala málimetke sáikes, olardyń deneleri buryn kúdikti Sultan Sársemáliev jubaiy Aqbaianmen birge jaldap turǵan úidiń aýlasynan tabylǵan.
Keshe Sultan Sársemáliev pen onyń jubaiy Aqbaian Almaty qalasyna jetkizilgen. Almatyda kúdikti Naýryz ben Miramgúldi óltirgenin moiyndap, olardyń denesin buryn jaldap turǵan úidiń aýlasyna kómip tastaǵanyn aitqan.
Osy aqparattan keiin Atyraýdaǵy tergeýshiler kórsetilgen mekenjaida qaitadan izdestirý jumystaryn júrgizip, nátijesinde sol jerden eki adamnyń máiiti tabylǵan.
Eske salaiyq, joǵalǵan turǵyndardy izdeý jumystary ótken jyldyń jeltoqsan aiynan beri júrgizilip kelgen. Izdeýge politsiia qyzmetkerleri men Ulttyq ulan sarbazdary jumyldyrylyp, arnaiy jyljymaly shtab qurylǵan. Úi aýmaǵy men oǵan irgeles jerler arnaiy tehnikalardyń, sonyń ishinde georadarlardyń kómegimen tekserilgenimen, alǵashqy izdestirý sharalary nátije bermegen edi.
