Atyraýda Jaiyq ózeninen 2 tasbaqa tabyldy, dep habarlaidy "Ult aqparat".
Jaiyq ózeninde júzip júrgen tasbaqalardy qala turǵyny Iýliia Vahmistrova baiqaǵan.
«Bizdiń aimaqta tasbaqalar jii bolmasa da, kezdesip turady. Biraq Jaiyq ózeninen alǵash ret kórdim», - dep tańdanysyn bildiredi Iýliia Vahmistrova.
Tasqabaqalar jergilikti tabiǵat janashyrlaryn da tańdandyryp otyr.
«Biz mundai tasbaqalardy Mańǵystaý óńirindegi Saýra shatqalynda kezdestirgen edik. Onda tasbaqanyń tirshilik etýine qolaily orta bar. Al, myna tasbaqalar qala mańyndaǵy Peretaska ózekshesinen kelýi ábden múmkin. Sebebi, sońǵy kezde ony tazartý qolǵa alynbady. Qamys ósip, batpaqqa ainaldy. Bul batpaqta júretin tasbaqaǵa uqsaidy», - deidi «Globýs» ekologiialyq qoǵamdyq birlestiginiń tóraiymy Galina Chernova.
