Atyraýda vaktsina alǵan 10 adam aqshalai utystyń 200 myń teńgeniń sertifikatyn utyp aldy, dep habarlaidy "Ult aqparat".
Budan buryn Atyraýda vaktsina alǵandar arasynda júlde qory 40 mln teńgelik utys oiyny bastalǵan edi.
Oblystyq densaýlyq saqtaý basqarmasy baspasóz qyzmeti taratqan aqparatqa súiensek, keshe, 11 shildede táýelsiz baqylaýshylardyń qatysýymen kezdeisoq sandardy tańdaý arqyly 200 myń teńgelik 10 sertifikattyń iesi anyqtaldy.
Atyraý oblystyq «Azamattyq Alians» ZTB uiymdastyrǵan aqshalai utys oiyny ár on kún saiyn 30 qyrkúiekke deiin vaktsina alǵandar arasynda oinatylady.
Aqshalai utystyń alǵashqy oiyny 11 shildede tikelei efirde ótti. Onda 200 myń teńgelik 10 sertifikat oinatyldy.
«Aqshalai utystyń alǵashqy iegerleri – Sahi Qalymbetov (Qyzylqoǵa aýdany), Asylanbek Elemesov pen Erjan Mahmýtov (Qurmanǵazy aýdany), Jylyoi aýdanynyń turǵyny Batyrbek Tóleýǵali men Atyraý qalasynan Gúlbarshyn Muhambetova, Ivan Viýrkov, Asylan Mýnbaev, Roman Diiarov, Asylan Muhanbetov jáne Ramil Óteǵulov. Olarǵa 200 myń teńgeniń sertifikaty tapsyryldy» dep habarlady basqarmanyń baspasóz qyzmeti.
