Atyraýda 22 jastaǵy er adam vaktsina saldyrǵannan keiin jaǵdaiy nasharlap ketkendei keiip tanytqan, - dep habarlaidy Tengrinews.kz saity "Aq Jaiyq" portalyna silteme jasap.
14 shildede áleýmettik jelilerde vaktsina saldyrǵannan keiin jaǵdaiy nasharlap ketken er adamǵa turǵyndardyń kómektesip jatqany týraly video taraǵan bolatyn. Videoda Atyraýdaǵy "Dina" bazarynyń janynda er adamnyń jaǵdaiy nasharlai bastaǵany kórsetilgen.
"Dina" bazaryndaǵy ekpe pýnktiniń meditsina qyzmetkerleriniń sózinshe, 14 shildede saǵat 15.00-de Ózbekstannyń 22 jastaǵy azamaty "Spýtnik V" vaktsinasynyń ekinshi dozasyn saldyrǵan.
"Oǵan deiin kezekte turǵanynda ol meditsina qyzmetkerlerine dóreki sóilep, vaktsinanyń keri áseri týraly video túsiretinin aityp qorqytqan. Er adam ekpe saldyrǵannan keiin 30 minýt baqylaýda boldy, sosyn úiine jiberildi", - deidi oblystyq Densaýlyq saqtaý basqarmasynyń ókilderi.
Al 18.30-da "Dina" bazarynan jedel járdemge er adamnyń jaǵdaiy nasharlap, sińiri tartyla bastaǵany týraly qońyraý túsken.
"Jedel járdem úsh saǵat buryn vaktsina saldyrǵan Ózbekstan azamatyna shaqyrylǵan. Ol aýrýhananyń qabyldaý bólmesine jetkizilip, 30 minýttan keiin úiine jiberildi. Sebebi densaýlyǵy qalypty, aýrýhanaǵa jatqyzatyndai simptom bolmady", - deidi meditsina qyzmetkerleri.
Osyǵan bailanysty Densaýlyq saqtaý basqarmasy atyraýlyqtardan arandatýlarǵa mán bermeýdi jáne tek resmi aqparat kózderine senýdi surady.
