Atyraýda teris dini aǵymdy nasihattaǵan 40 adam jazalandy, dep habarlaidy "Ult aqparat".
Oblystyq din isteri basqarmasynyń basshysy Qairolla Kóshqalievtyń málim etýinshe, ǵalamtor destrýktivti dini aǵym ideologiiasyn taratýdyń negizgi jelisine ainalǵan.
«Biylǵy alty aida «Dini qyzmet jáne dini birlestikter týraly» zań talaptaryn buzǵan 40 derek anyqtalyp, 40 azamatqa ákimshilik aiyppul salyndy. Osy kezeńde áleýmettik jelide dástúrli emes dini baǵytty nasihattaǵan 94 453 qaýymdastyq pen top buǵattaldy. Sondai-aq, 139 240 azamattyń áleýmettik jelidegi paraqshasyna zerdeleý júrgizildi. Nátijesinde 442 qoldanýshynyń paraqshasy dintaný saraptamasyna joldandy», - deidi Qairolla Kóshqaliev.
