Foto: azh.kz
28 naýryz kúni Atyraý qalasyndaǵy temirjol vokzalynda qalaaralyq taksi júrgizýshisi men jolaýshy arasynda janjal týyndaǵan. Keiin taksi júrgizýshisi jolaýshyǵa pyshaq suqqan, dep habarlaidy Ult.kz "Aq Jaiyq" basylymyna silteme jasap.
Aldyn ala málimetke sáikes, er adamdar arasynda janjal bolyp, arty tóbeleske ulasqan. Oqiǵa barysynda júrgizýshi jolaýshyǵa pyshaq salǵan. Zardap shekken adam meditsinalyq mekemege jetkizildi.
"Atyraý qalasynda taksi júrgizýshisi men jolaýshy arasyndaǵy janjal faktisi boiynsha "Buzaqylyq" baby boiynsha qylmystyq is qozǵaldy. Kúdikti ustalyp, ýaqytsha ustaý izoliatoryna qamaldy. Tergeý múddesine bailanysty ózge aqparat jariia etilmeidi", – dep habarlady Atyraý oblystyq politsiia departamenti.
Oqiǵanyń mán-jaiy anyqtalyp jatyr.
