Atyraýda sheteldik boijetkenniń 3 100 dollaryn urlaǵan kúdikti ustaldy, dep habarlaidy "Ult aqparat".
Oblystyq Politsiia departamentiniń bastyǵy, politsiia polkovnigi Qamza Úmbetqalievtyń málimetinshe, Atyraýda jyl basynan beri 78 páter urlyǵy tirkelgen. Bul – ótken jyldyń osy kezeńindegi kórsetkishten 33 paiyzǵa tómen. Atyraý qalasynda páter urlyǵyna qatysy bar 15 adam esepke alynǵan.
«Turǵyndardyń jeke múlikterin urlaý derekteri ásirese qala aýmaǵynda ornalasqan páterler men jeke menshik úilerdiń terezesin maiystyrý, kiltin úilestirý nemese esigin buzyp kirý arqyly oryn alyp otyr. Máselen, 11 maýsymda belgisiz adam Atyraý qalasynyń Vladimirskii kóshesindegi páterlerdiń birine zańsyz kirip, Serra-Leone elinen kelgen 19 jastaǵy boijetkenniń qara tústi sómkesinen jalpy quny 3 100 AQSh dollaryn (1 325 343 teńge) jasyryn jymqyryp, qashyp ketken. Jedel izdestirý kezinde Kriminaldyq politsiia bóliminiń qyzmetkerleri kúdikti anyqtap, ustady. Kúdiktiden aiǵaq zat tárkilenip, ýaqytsha ustaý izoliatoryna qamaýǵa alyndy» - deidi Qamza Úmbetqaliev.
