Atyraýda demalys kúnderi bazarlar, dámhanalar, saýnalar jumys istemeidi

Atyraýda demalys kúnderi bazarlar men dámhanalar, saýnalar jumys istemeidi, dep habarlaidy "Ult aqparat".

Atyraý oblysynyń bas memlekettik sanitar dárigeri Mádeniet Tanaýovtyń jańa qaýlysymen senbi men jeksenbide jumys istemeitin birneshe nysan belgili boldy. 

Onyń ishinde azyq-túlik satatyn jabyq jáne azyq-túliktik emes jabyq jáne ashyq bazarlar, «Ashyq» jobasyna qatysatynyna qaramastan saýda úileri men saýda-oiyn saýyq ortalyqtary, sulýlyq salondary, shashtarazdar, kosmetologiialyq qyzmet kórsetetin nysandar, sport keshenderi, fitnes ortalyqtar, ioga ortalyqtary, sporttyq-saýyqtyrý, sport jáne jattyǵý zaldary bar. Bulardyń qataryna saýnalar, SPA ortalyqtary men basseinder de kiredi. 

«Qoǵamdyq tamaqtaný obektilerine, fýdkorttarǵa, sonyń ishinde jazǵy alańqailarǵa saǵat 07.00-den 17.00-ge deiin, «Ashyq» jobasyna qatysatyn obektiler úshin 20.00-ge deiin (ujymdyq is-sharalar ótkizbei, 30-dan aspaityn otyratyn oryn ornatyp, ústelder arasyndaǵy qashyqtyq keminde 2 metrsaqtalýyn, bir ústelde 4 adamnan artyq otyrǵyzbaýdy qamtamasyz etip) jumys jasaýǵa ruqsat etiledi, senbi jáne jeksenbi kúnderi jumys isteýge tyiym salynady» -delingen qaýlyda. 

Al, azyq-túlik satatyn ashyq bazarlarǵa jumys kúnderi jáne senbide saǵat 09:00-den 19:00-ge deiin jumys isteýge rusat berilgen. Tek jeksenbide jumys isteýine tyiym salynǵan. 

Jańa qaýly 17 shildede kúshine enedi.