Atyraýda «Dina» bazaryndaǵy vaktsinalaý beketinde dárigerlerge dóreki minez kórsetken sheteldik jazalanýy múmkin, dep habarlaidy "Ult aqparat".
Oblystyq densaýlyq saqtaý basqarmasy baspasóz qyzmetiniń málimetinshe, № 3 qalalyq emhananyń ákimshiligi vaktsinalaý beketiniń medqyzmetkerlerin qorlaǵany úshin, sondai-aq, vaktsinanyń jaǵymsyz áseri týraly jala japqany úshin politsiiaǵa aryz jazǵan.
«Quqyq buzýshynyń áreketi zańsyz dep sanaimyn. Qazir tek bizdiń elimiz ǵana emes, álem jurtshylyǵy koronavirýs infektsiiasyna qarsy kúres júrgizýde. Óitkeni, qaýipti infektsiiany toqtaýdyń jalǵyz joly – vaktsina alý. Sondyqtan, biz – dárigerler turǵyndar arasynda vaktsinanyń janama áseri týraly jalǵan aqparattyń taralýymen kelispeimiz. Mundai jalǵan aqparatty taratýshylar jazalanýy kerek» - dedi Atyraý qalalyq № 3 emhanasynyń direktory Aiman Ótegenova.
Onyń aitýynsha, barsha qazaqstandyq óziniń densaýlyǵyn, aǵaiyn-týysy men áriptesterin qaýipti virýstan qorǵaýdyń mańyzdy ekenin túsinýi tiis.
