Atyraýdaǵy «Dina» bazaryndaǵy bekette vaktsina alý kezinde dárigerlerge dórekilik tanytqan sheteldikke qatysty túsinik berildi, dep habarlaidy "Ult aqparat".
Oblystyq densaýlyq saqtaý basqarmasy baspasóz qyzmetinen málim etkendei, Ózbekstan Respýblikasynyń 1998 jyly týǵan azamaty biylǵy 16 maýsymda «Spýtnik V» vaktsinasynyń I komponentin ektirgen.
Sodan keiin jigitte janama áserler men asqynýlar tirkelmegen.
«Bul azamat 14 shildede jergilikti ýaqytpen saǵat 15:00-de vaktsinanyń II komponentin saldyrǵan. Alaida, vaktsinany alǵanǵa deiin kezekte turǵan sheteldik azamat meditsina qyzmetkerlerine dórekilik tanytqan. Vaktsinanyń janama áseri týraly arandatý maqsatynda beinejazba túsiremin dep qorqytqan. Demalys bólmesinde 30 minýttai ýaqyt bolyp, úige jiberildi» - dep habarlady oblystyq densaýlyq saqtaý basqarmasynyń baspasóz qyzmeti.
Belgili bolǵandai, keshe, 14 shildede jergilikti ýaqytpen 18:30-da «Dina» bazarynan jedel járdem qyzmetine qońyraý túsken.
Onda dispetcherge vaktsinatsiiadan keiin bir adam aýyryp, qurysý belgileri baiqalǵany habarlanǵan.
«Jedel járdem úsh saǵat buryn vaktsina alǵan jáne dárigerlerge dórekilik tanytqan Ózbekstan azamatyna shaqyrylǵany belgili boldy. Sheteldik jigit oblystyq aýrýhananyń qabyldaý bólimine jetkizildi. Ol 30 minýttan keiin úiine jiberildi. Sebebi, onyń jaǵdaiy turaqty, aýrýhanaǵa jatqyzýǵa naqty dáiek bolǵan joq. Osyǵan bailanysty turǵyndardan arandatýshylyqqa den qoimai, tek resmi aqparatqa senýdi suraimyz», - dep málim etti basqarmanyń baspasóz qyzmetinen.
