Atyraýda anasyn urǵan er adam 10 kúnge qamaldy, dep habarlaidy "Ult aqparat".
Oblystyq politsiia departamenti baspasóz qyzmetiniń aqparatyna qaraǵanda, 46 jastaǵy er adam ishkilikke salynǵan.
«Egde jastaǵy áielden «102» operatoryna balasynyń mas kúiinde otbasylyq janjal shyǵarǵany týraly habar tústi. Ishkilikke salynǵan er adam úiiniń terezesin syndyryp, anasyn uryp-soqqan. Er adam ishimdik ishýin toqtatpaǵan. Egde jastaǵy anasymen birneshe ret janjaldas. Anasyna psihologiialyq jáne fizikalyq jábir kórsetken» - dep habarlady departamenttiń baspasóz qyzmeti.
Ýchaskelik politsiia inspektory anasyn urǵan azamatqa qatysty QR Ákimshilik quqyqbuzýshylyq týraly Kodeksiniń 73-baby, 2-bóligimen (Uryp soǵý) ákimshilik hattama toltyrǵan. Mamandandyrylǵan qalalyq sottyń sheshimimen er adam 10 táýlikke qamaýǵa alyndy.
