Foto: Ashyq derekkóz
Atyraýda zeinet jasyna taiap qalǵan er adam áielin pyshaqtap óltirdi degen kúdikke ilindi. Kúdikti qamaýǵa alynǵan, dep habarlaidy Ult.kz "KTK" telearnasyna silteme jasap.
Qaitys bolǵan áiel qaladaǵy mektepterdiń birinde muǵalim bolǵan. Áriptesteriniń aitýynsha, marqum buǵan deiin otbasyndaǵy qiyndyqtar, joldasynyń ozbyrlyǵy týraly quzyrly organdarǵa shaǵymdanypty. 62 jastaǵy turǵyn birden qamaýǵa alynǵan.
"Atalǵan derek boiynsha "Adam óltirý" baby boiynsha qylmystyq is tirkelip, sotqa deiingi tergep-tekserý bastaldy. 62 jastaǵy kúdikti ustalyp, politsiia bólimine jetkizildi. Oqiǵanyń mán-jaiy anyqtalýda. Tergeý múddesine sáikes, ózge aqparat jariia etilmeidi", - dep pikir bildirdi Atyraý oblysyPD resmi ókili Meiirim Erdáýlet.
