Atyraý oblysynda áskerden sarbazdy kútip alýǵa jinalǵandar qozǵalys ústindegi poiyzben jarysa júgirgen, dep habarlaidy "Ult aqparat".
Áleýmettik jelide taraǵan videoǵa qaraǵanda, bul oqiǵa 4 shildede Qyzylqoǵa aýdanyndaǵy Saǵyz stansasynda bolǵan.
Saǵyz stansasyndaǵy jelilik politsiia bóliminiń bastyǵy Bolatbek Ińirbaidyń málimetinshe, jergilikti jastar áskerden oralǵan sarbazdy kútip alýǵa jinalǵan.
«Poiyzben jarysa júgirgen jastar aýdan ortalyǵynan, ózge eldi mekender men okrýgtegi 3 aýyldan kelgen. Olar poiyz toqtaǵansha shydamsyzdyq tanytqan» - deidi Bolatbek Ińirbai.
Onyń aitýynsha, Saǵyz aýylynyń 18-19 jastaǵy eki turǵyny vagon esiginiń basqyshyna minip alǵan. Olarǵa qatysty QR Ákimshilik quqyqbuzýshylyq týraly kodekstiń 560-babymen (Temirjol kóligi quraldaryn paidalaný qaǵidalaryn buzý) ákimshilik hattama toltyrylyp, 5 ailyq eseptik kórsetkish (14 585 teńge) kóleminde aiyppul salyndy.
