Atyraý qalasyndaǵy jaǵymsyz iisti joiý úshin keshendi is-sharalar qabyldanady. Bul týraly Ortalyq kommýnikatsiialar qyzmetindegi brifing barysynda Atyraý oblysynyń ákimi Mahambet Dosmuhambetov aitty, dep habarlaidy "Ult aqparat".
«Atyraý qalasy turǵyndary jii kóteretin máseleniń biri - atmosferalyq aýa sapasy. Olardy oblys ortalyǵynda aýada jaǵymsyz iistiń taralýy alańdatady. Bul - ondaǵan jyldar boiy turǵyn úiler men kásiporyndardyń kárizdik sýlaryn tazartý qondyrǵylarynyń bolmaýynan týyndaǵan másele», - dedi Mahambet Dosmuhambetov.
Onyń aitýynsha, oblys ákimdigi bul problemany sheshý úshin 2021-2025 jyldardy qamtityn keshendi is-sharalar qabyldaǵan.
«Sonyń ishinde, biyl qalanyń sol jaq bóligindegi jańa kárizdik-tazartý ǵimaratyn iske qosý josparlanýda», - dedi oblys basshysy.
