Atyraý qalasy men Qurmanǵazy aýdany arasynda poiyz qatynaityn bolady. Bul týraly Ortalyq kommýnikatsiialar qyzmetindegi brifing barysynda Atyraý oblysynyń ákimi Mahambet Dosmuhambetov aitty, dep habarlaidy "Ult aqparat".
«Jol Qurmanǵazy aýdany turǵyndary úshin úlken másele. Óitkeni, oblys ortalyǵynan 250 shaqyrym shalǵaida ornalasqan. Atyraý-Astrahan joly áli jóndelip jatyr. Jolmen ózimiz de júremiz. Óte qaýipti. Poiyz shyǵarý máselesin «Jolaýshylar tasymaly» kompaniiasymen birlesip qaradyq. Bir poiyz shyǵaryp, tekserip kórdi. Kestesin, toqtaityn jerlerin, qansha adam júretindigin baiqady. Qazir platskart jáne 2 jalpy vagony bary bir poiyzdy kúndelikti qatynaýǵa shyǵarý josparda bar», - dedi Mahambet Dosmuhambetov.
Oblys ákimi Atyraý-Qurmanǵazy poiyzyn iske qosýǵa qatysty tiisti qaýlyǵa da qol qoiǵanyn aitty.
«Endi osy aidyń 25-inde máslihattyń sessiiasy ótedi. Sessiiaǵa osy máseleni shyǵaramyz. Depýtattar qoldaý bildiredi dep úmittenemiz. Qoldaý bolsa ary qarai tiisti jumystardy júrgizip, poiyzdy jaqyn arada jolǵa shyǵarý josparymyzda tur», - dedi ol.
