Foto: Elordainfo.kz
Atyraý oblystyq aýrýhanasynda alǵash ret mozaikalyq hondroplastika otasy sátti jasaldy. Bul — tize býynynyń aýyr jaraqattary men shemirshek zaqymdaryn qalpyna keltirýdiń tiimdi ádisteriniń biri, dep habarlaidy Ult.kz.
Mundai joǵary tehnologiialy ota kezinde dárigerler naýqastyń óz denesinen arnaiy tsilindr tárizdi shemirshek jáne súiek tinderin alyp, zaqymdanǵan aimaqqa dál ornalastyrady. Nátijesinde býynnyń tabiǵi qurylymy mozaika ispetti qalpyna keltirilip, qozǵalys fýnktsiiasy saqtalady.
Bul — joǵary dáldikti jáne kásibi sheberlikti talap etetin kúrdeli protsedýra. Atyraýlyq travmatolog-ortopedter bul otany sátti ótkizip, óńir meditsinasynyń damýynda mańyzdy qadam jasady.
Mundai jetistik tek bir naýqastyń ǵana emes, búkil aimaq turǵyndarynyń igiligine ainalmaq. Endi kúrdeli ota úshin alys óńirlerge nemese elordaǵa jol tartýdyń qajeti joq — joǵary tehnologiialy meditsinalyq kómek Atyraýdyń ózinde qoljetimdi bola bastady.
