Áleýmettik jelide balabaqshada Jeltoqsan oqiǵasynyń qurbandarynyń biri Qairat Rysqulbekovtyń obrazyn somdaǵan balanyń videosy tarap júr. Túrkistan oblysynyń bilim basqarmasy osy videoǵa qatysty túsinikteme berdi, dep habarlaidy Sputnik.
Bilim basqarmasynyń basshysy Rahymbek Jolaevtyń aitýynsha, áleýmettik jelide tarap júrgen beinejazba osydan 3-4 jyl buryn túsirilgen. Sol kezde jeli qoldanýshylary videony qyzý talqyǵa salǵan. Ol tárbieshiler balalardyń shyǵarmashylyq qabiletin damytýǵa tyrysqanyn aitty.
"Mundai qoiylymdar mektepke deiingi bilim berýdiń tiptik baǵdarlamasynda qarastyrylmaǵan. Ony qoiýǵa da usynys jasalmaidy", - deidi Jolaev.
Video alǵash ret taraǵannan keiin oblystaǵy mektepke deiingi uiymdardyń basshylary arasynda túsindirý jumystary júrgizilgen bolatyn. Qazirgi kezde balalardyń qatysýymen ondai kórinister uiymdastyrylmaidy.
