Ataqty amerikalyq promoýter El Heimon aýyr salmaqta óner kórsetetin qazaqstandyq Vasilii Levitke kásipqoi boksqa ótý boiynsha kelisimshart usynýǵa daiyn. Bul týraly Vesti.kz tilshisine menedjerdiń agenti Aleks Vaisfeld málimdegen.
"Maǵan qazaqstandyq boksshy Vasilii Levit unady. Heimon ony dereý alady. Oǵan orta aýyr salmaqtaǵy kásipqoi boksshy kerek. Ol óner kórsetetin "Astana Arlans" klýbymen birlese jumys isteýimiz múmkin. Biz ony osynda (Los-Andjeleste - Avt. sózi) daiyndai alamyz, al, olar Qazaqstanda damyta alady. Az ýaqyttyń ishinde biz ony álemniń eń myqty kásipqoi boksshylarynyń qataryna kirgize alamyz", - dedi El Heimonnyń agenti.
Eske salaiyq, ataqty mamanmen Qazaqstannan shyqqan reseilik boksshy jumys isteidi. Ol áli jeńilip kórmegen - Sergei Lipinets (10-0, 8 KO).
Vasilii Levit álemdik boks seriiasynda (WSB) "Astana Arlans" klýbynyń atynan óner kórsetedi. 91 kelige deiingi salmaq dárejesinde qazaqstandyq Vasilii Levit keshe, 15 tamyzda 91 kelige deiingi finaldyq kezdesýde reseilik boksshy Evgenii Tishenkomen kezdesken. Tóreshiler Tishenkoǵa jeńis bergen kezde zalda jinalǵan jankúierler ysqyryp, tóreshilerdiń sheshimine óz narazylyqtaryn bildirdi. Levit Rio Olimpiadasynyń kúmis medalin jeńip aldy.
