Foto: QR MAM
Jambyl atyndaǵy Qazaq memlekettik akademiialyq filarmoniiasynda qazaqtyń kórnekti kompozitory, kúishi, KSRO halyq ártisi, Halyq qaharmany Nurǵisa Tilendievtiń týǵan kúnine orai «Atadan mura» atty eske alý keshi ótti, dep habarlaidy Ult.kz.
Kontserttik baǵdarlama aiasynda Nurǵisa Tilendiev atyndaǵy «Otyrar sazy» akademiialyq folklorlyq-etnografiialyq orkestri óner kórsetti. Ujymnyń kórkemdik jetekshisi ári bas dirijeri – Dinzýhra Tilendieva. Sonymen qatar kontsertke tanymal dirijerler Jalǵasbek Begendikov pen Abylqaiyrhan Beisekov qatysty.
Kesh barysynda kompozitordyń shyǵarmashylyq murasynyń ajyramas bóligine ainalǵan «Ata tolǵaýy», «Álqissa», «Mahambet» kúileri oryndaldy. Sondai-aq, belgili ánshiler Ramazan Stamǵazy, Svetlana Aitbaeva jáne Farhat Kýbievtiń oryndaýynda «Qustar áni», «Saryjailaý», «Kýá bol» ánderi shyrqaldy.
Keshtiń áserli sátteriniń biri – kompozitordyń nemeresi Daiana Tilendievanyń Nurǵisa Tilendievtiń jary Dariǵaǵa arnaǵan «Kýá bol» ánin oryndaýy boldy. Sonymen qatar, opera ánshileri Áigerim Sháripbek pen Juldyz Baijumanyń óner kórsetýi sharanyń kórkemdik deńgeiin odan ári biiktete tústi.
