Foto: nazarmedia.kz
Jańa Konstitýtsiia Qazaqstandy tyń qarqynmen órkendetýge jol ashady. Bul týraly Úkimettiń keńeitilgen otyrysynda Memleket basshysy Qasym-Jomart Toqaev málim etti, dep habarlaidy Ult.kz.
"Jańa Konstitýtsiianyń jobasy jekelegen túzetýler engizilgen joba emes. Bul ózgeristerdiń basty maqsaty — jańa tarihi dáýirde memlekettiń negizderin túbegeili qaita qurý, qoǵamdyq sanany jańǵyrtý", dedi Qasym-Jomart Toqaev.
Bul turǵyda Prezident jańa Konstitýtsiianyń jobasyna asa qajetti ári ozyq normalar engizilgennin atap ótti.
"Biz bárimiz bir el bolyp yrys-yntymaǵymyzdy, bereke-birligimizdi saqtai otyryp, evoliýtsiialyq, iaǵni tabiǵi jolmen damyp kelemiz. Bul — óte mańyzdy. Budan basqa jol joq. Jańa Konstitýtsiia Qazaqstandy tyń qarqynmen órkendetýge, ár azamattyń áleýetin arttyrýǵa jol ashady dep senemin. Qalai desek te, Ata Zańymyzǵa qatysty túpkilikti sheshim jalpyulttyq referendýmda qabyldanady", dedi Memleket basshysy.
