Ata-analar balasynyń UBT tapsyrý protsesin onlain kóre alady. Bul týraly Ulttyq testileý ortalyǵynyń direktory Didar Smaǵulov málim etti, dep habarlaidy QazAqparat.
«Karantindi saqtaýǵa bailanysty elimizde adamdardyń jappai jinalaýyna tyiym salynǵanyn atam ótkim keledi. Bul erejelerdi eleýmeý – túlekterimiz úshin qosymsha táýekelder ekenin túsiný kerek. Sondyqtan, men aldyn ala barlyq ata-analardan keshirim surap, olardy túsinistik tanytýyna shaqyramyn. Óitkeni, olarǵa Ulttyq biryńǵai test ótkizý pýnktinde bolýǵa ruqsat etilmeidi. Ǵimarat aýmaǵyn quqyq qorǵaý organdarynyń qyzmetkerleri qorshaidy. Biraq, árbir ata-ana testileýdi tapsyrý protsesin onlain kóre alady. Bul úshin árbir aýditoriianyń onlain kórsetilimi qamtamasyz etiledi», - dedi D. Smaǵulov Ortalyq komýnikatsiialar qyzmetinde.
Osy oraida ol onlain kórsetilim siltemeleri men resýrstar Ulttyq testileý ortalyǵynyń saityndy ári áleýmettik jelilerde jariialanatynyn aitty.
Budan buryn habarlanǵandai, Didar Smaǵulov biylǵy UBT-ny ótkizý tártibi jaiyndy túsinik berdi.
Karantindik shekteýlerge bailanysty eldiń barlyq aimaqtaryndaǵy UBT ótkizý oryndarynda kúsheitilgen meditsinalyq-sanitarlyq sharalar engiziledi. Ǵimaratqa kirgizý kezinde test tapsyraýshylar arasyndaǵy eki metrlik araqashyqtyqty qatań saqtaý arqyly maskaly rejim júzege asyrylady. Ár tes tapsyrýshy 5 baqylaý kezeńinen ótetin bolady, onyń ishinde syrtqy kiimdi dezinfektsiialyq eritindilermen zalalsyzdandyratyn arnaiy dáliz arqyly ótý eskerilgen
Biyl Ulttyq biryńǵai testileý 20 maýsym men 5 shilde aralyǵynda ótedi.
