Foto: alash.kz
Astana mańyndaǵy Jibek joly aýyly turǵyndarynyń biri tórt adamdy óltirdi degen kúdikke ilindi. Qaiǵyly oqiǵa qoǵamda úlken rezonans týdyryp otyr, dep habarlaidy Ult.kz.
Aqmola oblystyq politsiia departamenti bul derek boiynsha qylmystyq is qozǵalǵanyn habarlady. Kúdikti ustalyp, ýaqytsha ustaý izoliatoryna qamalǵan. Tergeý amaldary júrgizilip jatyr.
Áleýmettik jelilerde er adamnyń óz áke-sheshesin, aǵasyn jáne jienin óltirgeni týraly aqparat tarady. Sondai-aq kúdiktiniń psihikalyq aýrýǵa shaldyqqany jóninde de túrli boljam aitylýda. Alaida politsiia ókilderi messendjerler men áleýmettik jelilerde rastalmaǵan málimetterdiń kóbeigenin eskertip, resmi aqparatqa ǵana senýge shaqyrdy.
Atalǵan derek boiynsha is Qazaqstan Respýblikasynyń Qylmystyq kodeksi-niń 99-baby («Eki nemese odan kóp adamdy óltirý») boiynsha tirkeldi. Bul bapqa sáikes 15 jyldan 20 jylǵa deiin bas bostandyǵynan aiyrý nemese ómir boiyna bas bostandyǵynan aiyrý jazasy qarastyrylǵan.
Qazirgi ýaqytta qylmystyń mán-jaiy anyqtalyp jatyr.
