Foto: Astana ákimdiginen
Elordada stihiialyq ruqsat etilmegen poligondarmen júieli kúres jalǵasýda. 2024 jyldyń basynan bastap elordanyń bes aýdanynda ruqsat etilmegen poligondardyń 221 núktesi anyqtaldy. Olardan poligondarǵa 160 myń tonnadan astam qoqys shyǵaryldy, dep habarlaidy Astana ákimdiginiń resmi saity.
Kún saiyn qalanyń barlyq aýdandarynda ruqsat etilmegen poligondardyń bolýyna monitoring júrgiziledi.
Mysaly, Almaty aýdany boiynsha 115 ýchaske joiylyp, 55 myń tonnaǵa jýyq qoqys shyǵaryldy (shamamen 8 myń reis).
Baiqońyr aýdanynda 10 ýchaske joiylyp, olardan 8 myń tonnaǵa jýyq qoqys shyǵaryldy.
Esil aýdany boiynsha 18 núkte joiylyp, poligonǵa 20 myń tonnaǵa jýyq qoqys jóneltildi.
Saryarqa aýdany boiynsha 39 stihiialyq qoqys tastaityn oryn pysyqtaldy, olardan 38 myń tonnaǵa jýyq qoqys shyǵaryldy. Jumys jalǵasýda.
Nura aýdanynan joiylǵan 39 núkteden 40 myń tonna qoqys shyǵaryldy.
Foto: Astana ákimdiginen
Astanada ruqsat etilmegen qoqys úiindilerinen qoqys jinaýǵa arnalǵan qalalyq QTQ poligonynyń janynda ýaqytsha alań belgilendi, ol Alash, 64 tas jolynda ornalasqan.
IKomek arqyly qurylys alańdarynan qoqys shyǵarý jáne orynsyz oryndarǵa qoqysty túsirý faktileri belgilenedi, quqyq qorǵaý organdarymen birlesip reidtik is-sharalar júrgiziledi.
Jyl basynan beri jalpy paidalaný oryndaryn lastaǵany úshin jalpy somasy 136 mln.teńgeden asatyn 9 myńǵa jýyq quqyq buzýshyǵa aiyppul salyndy. Sonymen qatar, qoqysty ruqsatsyz túsirgeni úshin 161 júk kóliginiń júrgizýshisi ákimshilik jaýapkershilikke tartylyp, 5 mln.200 myń teńgeden astam somaǵa aiyppul salyndy.
Zańsyz poligondardy joiý jumystary jalǵasýda. Onyń ishinde jańa oshaqtardyń paida bolýyna jol bermeý boiynsha sharalar qabyldanýda.
Esterińizge sala keteiik, "Taza Qazaqstan. Astana-tazalyq pen tártiptiń úlgisi" qalany sanitarlyq tazartý, nóser jáne aryq kárizderin tazartý, kóshelerdi, trotýarlardy, oramishilik aýmaqtardy, qoǵamdyq keńistikter men aýlalardy tazalaý jumystary júrgizilýde.
Foto: Astana ákimdiginen
Sondai-aq, jasyl jelekterdi kútip ustaý jáne otyrǵyzý, saýda obektilerine irgeles aýmaqtardy jinaý, ruqsat etilmegen poligondardy joiý jáne t. b. jumystar júrgizilýde.
Sonymen qatar, elordada Taza Astana jańa áleýmettik jobasy iske qosyldy. Joba quqyqtyq tártip, abattandyrý, kógaldandyrý, sanitarlyq tazalaý, kóppáterli turǵyn úilerdiń, úi janyndaǵy, oramishilik jáne aýla aýmaqtarynyń kirme toptarynyń tazalyǵy máseleleri boiynsha júieli jumys jasaýǵa baǵyttalǵan.
