Foto: UQK baspasóz qyzmeti
UQK Sybailas jemqorlyqqa qarsy is-qimyl qyzmeti Astanada, sondai-aq Aqmola men Pavlodar oblystarynda avtomektepter jumysy men júrgizýshi kýálikterin rásimdeý kezinde iri jemqorlyq shemasyn áshkereledi, dep habarlaidy Ult.kz.
Tergeý málimetinshe, Astanadaǵy Mamandandyrylǵan HQKO basshysynyń burynǵy orynbasary azamattarǵa emtihan tapsyrýǵa kómektesip, júrgizýshi kýáligin zańsyz jolmen alyp berýdi júieli túrde uiymdastyrǵan. Bul «qyzmet» úshin ol turaqty túrde para alyp otyrǵan.
Quzyrly organnyń habarlaýynsha, jalpy somasy 100 million teńgeden asatyn 60-tan astam derek protsestik túrde tirkelgen.
Sonymen qatar Kókshetaýdaǵy Mamandandyrylǵan HQKO men Ekibastuzdaǵy «Azamattarǵa arnalǵan úkimet» memlekettik korporatsiiasynyń filial basshylary da zańsyz áreketteri úshin áshkerelendi. Olar jalǵan adamdar arqyly emtihan tapsyrýdy uiymdastyryp, ol úshin aqsha alǵan.
Budan bólek, Astana, Shymkent jáne Taraz qalalaryndaǵy osy memlekettik korporatsiianyń filialdarynda jyljymaityn múlikti qaita tirkeý men aýyrtpalyqtardy alyp tastaý kezinde qyzmettik ókilettikti teris paidalaný jáne zańsyz baiý faktileri anyqtalǵan.
Atalǵan derekter boiynsha sotqa deiingi tergep-tekserý júrgizilip jatyr. Qylmystyq-protsestik kodekstiń 201-babyna sáikes ózge málimetter jariia etilmeidi.
