Foto: MAM
Biyl sáýirdiń 7-10 aralyǵynda Qazaq ulttyq horeografiia akademiiasynda Jeńistiń 80 jyldyǵyna arnalǵan Halyqaralyq jas horeograftar festival-konkýrsy ótti, dep habarlaidy Ult.kz.
Baiqaýǵa Resei, Belarýs, Qyrǵyzstan, Ózbekstan, Ázerbaijan jáne Qazaqstannyń ujymdary qatysty.
Festival Qazaqstan Respýblikasynyń Mádeniet jáne aqparat ministrliginiń uiymdastyrýymen jáne Gýmanitarlyq yntymaqtastyq memleketaralyq qorynyń qoldaýymen ótti. Atalǵan qordyń arqasynda TMD elderiniń shyǵarmashyl jastaryn biriktiretin osyndai biregei halyqaralyq jobalar uiymdastyrylýda.
Festivaldiń jabylý saltanatynda QR Mádeniet jáne aqparat vitse-ministri Aibek Sydyqov ministr Aida Balaevanyń quttyqtaý sózin oqydy.
«Búgingi baiqaý tek shyǵarmashylyq jarys emes, jas ártisterdiń óner arqyly ata-babalarynyń erligine qurmet pen rizashylyq bildirýge múmkindik beretin mańyzdy oqiǵa», – delingen quttyqtaý hatta.
Foto: MAM
Gala-kontsert barysynda festival jeńimpazdarynyń esimderi jariialandy:
🔹Qazaq ulttyq horeografiia akademiiasynyń rektory Bibigúl Núsipjanovanyń júldesin – Anastasiia Tretiakova (Qazan, Resei) ielendi.
🔹 «Astana Balet» teatrynyń bas baletmeisteri Mýkaram Abýbahrievanyń júldesi – Abai Iýsýpovqa (Astana, Qazaqstan) berildi.
🔹 «Gúlder» ansambliniń bas baletmeisteri Anvara Sadyqovanyń júldesi – Elizaveta Trashkovaǵa (Tashkent, Ózbekstan) tabystaldy.
🔹Qazaqstan halqy Assambleiasynyń júldesi – David Kompanetske (Astana, Qazaqstan) berildi.
🔹«Astana Tourism» Týrizmdi Damytý Ortalyǵynyń júldesi — Irina Kapýstinaǵa (Minsk, Belarýs) tabystaldy.
